كتب : هند عواد
10:33 ص 29/08/2026 تعديل في 11:27 ص
المصارع محمد الشامي
تابعنا على
كشف محمد مصطفى علي الشامي، لاعب منتخب مصر للمصارعة الحرة، أسباب مغادرته بعثة المنتخب بشكل مفاجئ خلال رحلة العودة إلى القاهرة.
وكان الشامي غادر بعثة المنتخب المصري أثناء توقفها في العاصمة الإيطالية روما، ضمن رحلة ترانزيت قبل استكمال طريقها إلى مصر.
أول تعليق من المصارع محمد الشامي بعد الهروب من بعثة منتخب مصر
كتب الشامي عبر صفحته على موقع التواصل الاجتماعي "فيسبوك": "أنا اللاعب محمد مصطفى علي الشامي، لاعب منتخب مصر للمصارعة الحرة. بعتذر من والدي ومن أسرتي على كل اللي حصل، ومكنتش أتمنى أبدا إني أوصل للمرحلة دي. المصارعة كانت وما زالت جزء كبير من حياتي، بدأتها من وأنا عندي 7 سنين، وعشت سنين طويلة بحلم إني أرفع علم مصر وأحقق إنجاز يفضل فاكرينه".
وأضاف: "الحمد لله، قدرت أرفع علم بلدي في بطولات أفريقيا وبطولات دولية كتير، وكان أكبر حلم عندي إني أحقق ميدالية أولمبية وأوصل لأعلى مكان ممكن في الرياضة اللي حبيتها وعشت عمري كله عشانها".
وأوضح: "لكن في لحظة معينة، حسيت إن والدي تعب، وإن الحياة بقت صعبة عليه، وأنا أكبر إخواتي، فكان لازم حد يضحي ويتحمل المسؤولية".
وتابع: "أنا بعتذر مرة تانية لوالدي ولأسرتي، وبعتذر لكل شخص وقف جنبي وساعدني وساندني في مشواري، ومش هنسى أبدا وقفة أي حد معايا".
وواصل: "بس غصب عني أنا لقيت نفسي كبرت ومبقتش عارف أطلب من والدي حاجة، والدعم اللي بيجيلي ميخلنيش أعيش حياة كريمة، وأنا لازم أأمن نفسي وأأمن حياتي، وده مش موجود، فكان لازم ده يحصل، لأن أنا لو لا قدر الله كان حصل إصابة مكنتش هلاقي، أو بطلت مصارعة مكنتش هلاقي دعم بعد كل اللي أنا حققته من إنجازات. يمكن الطريق اتغير، ويمكن الحلم اتأجل، لكن الحلم نفسه لسه موجود".
اقرأ أيضًا:
بعيدا عن أزمات هروب اللاعبين.. 32 ميدالية تروي الوجه الآخر لبعثة مصر في ألعاب البحر المتوسط
الظهور الأول لمرموش.. موعد مباراة توتنهام ونيوكاسل والقناة الناقلة
واختتم: "وإن شاء الله، هرجع أكمل مشواري، وأرفع علم بلدي من جديد، وأحاول أحقق الحلم اللي مقدرتش أحققه لحد دلوقتي. ربنا يكتبلي الخير. حسبة بسيطة، أنا لو قعدت 15 سنة كمان في نفس المكان اللي كنت فيه، مش هعرف أجيب شقة أتجوز فيها، وشكرا".
لمعرفة مواعيد المباريات المحلية والعالمية اضغط هنا
محمد الشامي المصارعة اتحاد المصارعة المصري ألعاب البحر المتوسط
تابع آخر أخبار مصراوي على Google News